عيدي لحن مجروح ..... جاية عآخر روح
يحكي وطن بالبال ..... مشتاق بدّو يبوح
داير عنغمة ريح ..... صلّي الوجع تسبيح
و ال ما معو تصريح ..... تيعيش وين يروح
******************
صحن الحلو محروق ..... منّو التمر مسروق
مين اللي بدّو يدوق ..... و القصف عالأسطوح
مرجوحة الياريت ..... نزفت عباب البيت
معقولة ما حسيت ..... يا عيدي بالمدبوح
******************
عيدي لحن مجروح ..... جاية عآخر روح
يحكي وطن بالبال ..... مشتاق بدّو يبوح
طال الوجع يا ليل ..... كِتر السهر بالويل
ضيّع حنين الهيل ..... للبنّ لمّا يفوح
******************
كل اللي كانوا رفاق ..... صاروا صور بوراق
ضجّ العمر منداق ..... كتروا عليه الجروح
شتّى الحزن عالباب ..... يسقي وجع الغياب
زهّر أمل عالباب ..... يردّ اللحن للروح
*القصيدة لشاعرة سورية
